Arkadi Naydiç Qüdsdə “Gideon Yafet” şahmat turnirinə qələbə ilə başlayıb

Qüdsdə sayca 2-ci “Gideon Yafet” şahmat turniri başlayıb. Allsport.az saytı xəbər verir ki, 6 ölkədən 50 şətrənc ustasının və 12 qrossmeysterin iştirakı ilə keçirilən “A” turnirində Azərbaycan təmsilçisi Arkadi Naydiç iştirak edir. O, həm də yarışın reytinq-favoritidir.

“A”-da ilk turun partiyaları oynanılıb. 1-ci turda qara fiqurlarla oynayan Arkadi Naydiç yerli şahmatçı Peter Qovxatı məğlub edib. Təmsilçimizin 2-ci turda rəqibi israilli Aleksandr Kaspi olacaq. Gideon Yafet Memorialı İsveçrə sistemi üzrə 7 turda keçirilir.