- Baxış sayı: 80
- 23 Avqust 2024 16:25
- Baxış sayı: 49
- Sentyabr 07, 2024
- 0
Bu gün Avropa ağırlıqqaldırma federasiyasının konqresi keçirilib. Tədbirdə Azərbaycan ağırlıqqaldırma federasiyasının (AAF) rəhbəri Kamran Nəbizadəni vitse-prezident Firdovsi Umudov müşayiət edib. Allsport.az saytı xəbər verir ki, gündəlikdə olan bir çox məsələlər müzakirələr edilib, ağırlıqqaldırma idman növünün bu günü və gələcək perspektivləri diqqətə alınıb, hesabatlar dinlənilib, rəy və təkliflər verilib.
Toplantı zamanı Beynəlxalq ağırlıqqaldırma federasiyasının prezidenti Məhəmməd Caludla görüş olub. Səmimi keçən söhbət zamanı qurumlar arasındakı əlaqələrin möhkəm olduğu və böyük tarixə malik olduğu bildirilib, bu münasibətlərin davam və daha da inkişaf etdirilməsinin vacibliyi vurğulanıb. BAF prezidenti Azərbaycanda ağırlıqqaldırmaya böyük maraq və dəstək olduğunu bildirib.
O, xüsusilə Azərbayvan prezident İlham Əliyevin ağırlıqqaldırma klubunun açılışında Türkiyə cümhuriyyətinin prezidenti Rəcəp Tayyip Ərdoğanla birlikdə iştirak etməsi və özünün ştanqı qaldırmasını qeyd edib. Calud bu hərəkətin ağırlıqqaldırmaya nəinki Azərbaycanda, həmçinin bütün dünyada marağın artırılması baxımından möhtəşəm bir təkan olduğunu bildirib və buna görə ona təşəkkürlərini çatdırıb. AAF prezidenti Kamran Nəbizadə bildirib ki, Azərbaycan bir idman ölkəsidir və yalnız ağırlıqqaldırma deyil, bütün idman növlərinə dövlət səviyyəsində yüksək diqqət və qayğı var.
Bunun nəticəsində idmançılarımız beynəlxalq arenada mütəmadi qələbələr qazanır, bayrağımızı yüksəldirlər. Onların arasında ağırlıqqaldıranlar da var və federasiyamız bu idman siyasətinin, bu uğurların davam etdirilməsi üçün bütün səylərini göstərir. Buraya beynəlxalq qurumlarla münasibətlərin sıxlaşdırılması və inkişafı da daxildir ki, bu proses bundan sonra davam etdiriləcəkdir.
Görüşdən sonra AAF-ın xüsusi hədiyyəsi – üzərində federasiyanın loqosu olan Azərbaycan ipək xalçası Mohamməd Calud və EWF prezidenti Antonio Konflittiyə təqdim edilib.