Avropa cüdo birliyində prezident seçkiləri keçirilib

Avropa cüdo birliyinin (EJU) Macarıstanın paytaxtı Budapeştdə növbəti konqresi baş tutub.

Allsport.az xəbər verir ki, konqres çərçivəsində həmçinin EJU-ya yeni prezident seçkisi keçirilib. Hazırkı prezident Laslo Tot növbəti dəfə quruma rəhbər seçilib.

Laslo Totun EJU-ya rəhbərliyi dövründə Azərbaycan cüdo federasiyası ilə EJU arasında əlaqələr daha da genişlənib. Ötən müddət ərzində Göygöl də iki dəfə yeniyetmələr arasında Avropa kuboku turniri baş tutub. Avropa kubokunun Azərbaycanda təşkili növbəti illərdə də davam etdiriləcək.

Dəfələrlə Azərbaycanda olan L.Tot ölkəmizdə cüdonun inkişafı ilə bağlı görülən işləri və bu istiqamətdə atılan addımları yüksək qiymətləndirib.