Aydın liderliyə yüksəlib

Monteneqronun Nikşiç şəhərində start götürən şahmat üzrə “Vladimir Bato Kontiç” turnirində 2-ci turun oyunları keçirilib. Allsport.az xəbər verir ki, Aydın Süleymanlı Ukrayna təmsilçisi Yuliya Osmakı məğlub edib.

Təmsilçimiz 2 xalla turnir cədvəlində liderliyə yüksəlib.

Yarış İsveçrə sistemi üzrə keçirilir və 9 turdan ibarətdir. Turnirdə 6-sı qrossmeyster olmaqla, 20 şahmatçı iştirak edir.