Azərbaycan qrossmeysteri Rauf Məmmədov blits üzrə Avropa çempionu oldu

Azərbaycan qrossmeysteri Rauf Məmmədov blits üzrə Avropa çempionu olub. Allsport.az xəbər verir ki, dekabrın 18-də Minskdə başlayan blits üzrə Avropa çempionatında 600-dən artıq iştirakçı birincilik uğrunda mübarizə aparıb.

22 mümkün xaldan 18-ini toplayan azərbaycanlı şahmatçı Rauf Məmmədov Avropa çempionu tituluna layiq görülüb. İkinci və üçüncü yerləri rusiyalı şahmatçılar Boris Savçenko və Aleksandr Ryazantsev tutublar.

Dekabrın 19-da çempionat rapid üzrə davam edəcək.