Azərbaycan şahmatçısı Beyrutda gücünü sınayır

Bu gün Livanın paytaxtı Beyrutda 8-ci beynəlxalq şahmat turnirinə start verilir. Allsport.az saytı xəbər verir ki, yarış İsveçrə sistemi üzrə 9 turdan ibarətdir. Bu sınaqda ölkəmizi Azər Mirzəyev (2558) təmsil edir.

Rəqabətdə 14 ölkəni təmsil edən 85 şahmatçı, o cümlədən 9 qrossmeyster mübarizə aparacaq. Turnirin reytinq-favoriti Niderlandı təmsil edən qrossmeyster Sergey Tivyakovdur (2611).