“Azərbaycan tarixində ilk dəfədir ki, Şuşada beynəlxalq yarış keçirilir

Şuşada beynəlxalq şahmat turniri tarixə düşüb. Allsport.az saytı xəbər verir ki, ilk dəfə Odlar yurdunun bu səfalı şəhərində dünya səviyyəli idman tədbiri keçirilir. AŞF-in rəhbəri Mahir Məmmədov məşhur şahmatçıları Şuşada qəbul etməkdən məmnun qalıb.

2022-ci ilin “Şuşa ili” elan olunduğunu xatırladan federasiya prezidenti, ölkə başçısı İlham Əliyevə 30-illik həsrətə son qoyduğu üçün minnətdarlığını bildirib:

“Turnirin ənənəvi olması üçün əlimizdən gələni edəcəyik. Bu məsələ ilə bağlı çox suallar verilir. Hazırda ilk yarış təşkil olunur. Bizim mənəvi haqqımız yoxdur ki, bu turnir ənənəvi olmasın”.