“Azərrəyl” və “Neftçi” qələbə ilə başladı

Bu gün ölkə çempionatında 2019/2020 mövsümü başlayıb. Allsport.az saytı xəbər verir ki, qadınların super liqanın açılış matçında “Azərrəyl” “Abşeron”u 3:1 məyus edib (25:16, 25:22, 23:25, 25:22).

Kişilərin yüksək liqasında “Murov” – “Neftçi” oyunu baş tutub. Görüş “neftçilər” üçün asan alınıb – 3:0 (25:16, 25:17, 25:21) hesabı ilə məğlub edib.

Xatırladaq ki, zəriflərdə “Azərreyl”, “Murov”, “Abşeron”, UNEC, “Mübariz”, Gürcüstan, güclü cinsin nümayəndələrinin rəqabətində “Azərreyl”, “Murov”, “Xilasedici”, “Sərhədçi”, “Express”, “Neftçi”, MOİK, Gürcüstan komanladaları mübarizə aparırlar.