Bakı Şahmat Olimpiadası jurnalistlər arasında yarış keçirdi

Bakı Şahmat Olimpiadası Əməliyyat Komitəsinin təşkilatçılığı ilə 22 iyul – Milli Mətbuat Günü münasibətilə jurnalistlər arasında şahmat turniri keçirilib. Allsport.az saytı xəbər verir ki, tədbirin açılışında yarışın qaydaları haqqında məlumat verilib.

Turnirin təşkilində məqsəd ölkəmizdə idmanın bu növünün təbliğinə və Ümumdünya Şahmat Olimpiadasına dəstək verməkdir. 7 turdan ibarət yarışda maksimum xal toplayan Fuad Əlizadə (sputnik.az) qalibi adını qazanıb. 6 xalla Ceyhun Əliyev (futbolinfo.az) 2-ci və 5 xalla İlkin Fikrətoğlu (ATV) 3-cü olublar

Qaliblərə təşkilatçı tərəfindən diplom və hədiyyələr təqdim olunub.