Bakıda 11-ci açıq “Arpaçay” beynəlxalq karate turniri keçiriləcək

Allsport.az saytı xəbər verir ki, şəhidlərimizin əziz xatirəsinə həsr olunmuş ənənəvi tədbirə hazırlıq yüksək səviyyədə davam edir.

Beynəlxalq turnir gənclər və idman nazirliyi və Azərbaycan karate federasiyasının dəstəyi, “Arpaçay” idman birliyinin təşkilatçılığı ilə 30–31 yanvar və 1 fevral 2026-cı il tarixlərində “Sərhədçi” idman mərkəzində keçiriləcək.

“Arpaçay” karate klubunun prezidenti Yavər Hüseynov deyib ki, karate turnirində 10-dan çox xarici ölkədən, eyni zamanda paytaxt Bakıdan və Azərbaycanın əksər bölgələrindən 1000-ə yaxın idmançının iştirakı gözlənilir.