Bakurianidə təlim-məşq toplanışı

Parapauerliftinq üzrə milli komanda aprelin 27-dən etibarən Gürcüstanın Bakuriani şəhərində beynəlxalq təlim-məşq toplanışına start verib.

Allsport.az xəbər verir ki, mayın 6-dək davam edəcək toplanışında 6 idmançı iştirak edir.

Toplanışa kişi idmançılardan Pərvin Məmmədov, Rəsul Zəkiyev, Şamo Aslanov və Talib Zeynalov, qadınlardan isə Zəhra Dadaşova ilə Leyla Kərimova cəlb ediliblər.

Toplanış 6-13 mayda Tbilisidə keçiriləcək dünya kubokuna hazırlıq xarakteri daşıyır.