Balayev “Ayntraxt”da

“Neftçi”nin qapıçısı Emil Balayevin Topaz Premyer Liqasının son turunun “Xəzər Lənkəran”la oyunundan sonra Almaniyaya yollanacağını xəbər vermişdik. Allsport.az xəbər verir ki, artıq paytaxt klubu futbolçusunun Frankfurt “Ayntraxt”ına baxışa yollandığını rəsmi saytı vasitəsilə də təsdiqləyib:

“Azərbaycan milli komandasının qapıçısı Emil Balayev Almaniya Bundesliqası klublarından olan “Ayntraxt”ın (Frankfurt) “Neftçi”yə ünvanladığı rəsmi dəvətə əsasən baxışda iştirak etmək üçün bu ölkəyə yola düşüb. Emil Balayev noyabrın 26-dan dekabrın 12-dək “Ayntraxt”ın düşərgəsində baxışda olacaq. Baxışın nəticələrinə əsasən Almaniya klubu qapıçı ilə bağlı qərar verəcək”.