Bayraqdarımız bilindi

Azərbaycan nümayəndə heyətinin İsveçrənin Lozanna şəhərində yeniyetmələrin qış olimpiya oyunlarına hazırlıqları sona çatır.

Allsport.az xəbər verir ki, yanvar 8-i nümayəndə heyəti İsveçrəyə yollanacaq. Olimpiadada ilk dəfə iştirak edəcək Azərbaycanı fiqurlu konkisürmə yarışlarında Yekaterina Ryabova təmsil edəcəkdir.

Yanvarın 9-u açılışda Azərbaycanın bayraqdarı Yekaterina Ryabova olacaqdır. MOK-un vitse-prezidenti Çingiz Hüseynzadə, baş katibin müavini Azər Əliyev və beynəlxalq əlaqələr şöbəsinin müdiri Anar Bağırov da səfərdə olacaq.

Olimpiadada 79 ölkədən 1872 idmançının iştirak edəcəyi gözlənilir.