Beynəlxalq şahmat festivalı Bakıda

Azərbaycan şahmat federasiyası (AŞF) ilə gənclər və idman nazirliyinin birgə dəstəyi ilə növbəti dəfə “Baku Open” beynəlxalq şahmat festivalı təşkil ediləcək.

Allsport.az xəbər verir ki, beynəlxalq şahmat federasiyasının (FIDE) 100 illiyinə həsr edilən turnir İsveçrə sistemi üzrə 9 turdan ibarət olacaq.

İştirakçıların son siyahısı iyunun 15-də müəyyənləşəcək. Bakı idman sarayında keçiriləcək festivalın ümumi mükafat fondu 50 min ABŞ dolları olacaq.

İyunun 29-da start götürəcək festival iyulun 7-də yekunlaşacaq. Turnirin baş hakimi AŞF-nin vitse-prezidenti Faiq Həsənov olacaq.