BOK Vitali Rəhimovun olimpiya medalını əlindən alıb

Beynəlxalq Olimpiya Komitəsi 2008-ci ildə Pekində keçirilmiş olimpiadada uğur qazanan bəzi idmançıların nəticəsini ləğv edib. Allsport.az xəbər verir ki, onların arasında Azərbaycan təmsilçilərindən də var.

Ağırlıqqaldıran Nizami Paşayevin nəticəsinin ləğv olunduğu daha öncədən bəlli idi. Bu dəfə isə yunan-Roma güləşində 60 kq-da gümüş medal qazanmış Vitali Rəhimovun nəticəsi etibarsız sayılıb.

O, medalından məhrum edilib. Qeyd edək ki, BOK bütövlükdə 16 idmançını dopinq qəbulunda günahkar sayaraq cəzalandırıb.