Cüdo hakimləri və məşqçiləri futbol meydançasında üz-üzə gəldilər

Cüdo referiləri koronavirus pandemiyasından irəli gələn karantin dönəmində fəaliyyətsiz qalmırlar.

Allsport.az saytı xəbər verir ki, fevralın əvvəlində, ACF-in hakimlər komitəsinin sədri Mətin Rəhimlinin rəhbərliyi ilə paytaxtın Binəqədi rayonunda yerləşən tennis akademiyası yaxınlığında açıq havada toplaşan ədalət təmsilçiləri, qaydalarda edilən dəyişiklikləri gözdən keçiriblər.

Fiziki hazırlığı sabit saxlamaq üçün vaxtaşırı futbol meydançasında da bir araya gələn hakimlərimiz, oyunlarda maraqlı rəqiblər seçirlər. Onlar bu dəfə özünkülərlə, məşqçilərlə qarşı-qarşıya gəliblər.