Cüdo millisi Antalyada beynəlxalq təlim-məşqə qatılıb

Azərbaycan cüdoçuları Antalyada beynəlxalq təlim-məşqə qatılıb. Allsport.az saytı xəbər verir ki, ayın 10-dək davam edəcək təlim-məşq toplanışında, “Böyük dəbilqə”yə mübarizə aparan heyət ilə bərabər, yığmanın digər üzvləri də iştirak edirlər.

Hazırlıqda qadınlardan və gənc qızlardan 34, kişilərdən və gənc oğlanlardan 54 idmançı yer alıb. Millimizi 29 aprel – 1 mayda Bolqarıstan paytaxtı Sofiyada qitə çempionatına gözləyir.