Cüdoçularımız Avstriyada olimpiya təlim düşərgəsində iştirak edir

Millimiz 9-17 yanvarda Avstriyanın Miteşil şəhərində təşkil olunan olimpiya təlim düşərgəsində iştirak edir. Allsport.az saytı xəbər verir ki, toplanışa böyüklərdən və gənclərdən ibarət milli komandadan 27 idmançı qatılıb. Qadın yığmasından 10 cüdoçu iştirak edir.

1993-cü ildən bəri keçirilən təlim-məşq toplanışına dünyanın 45 ölkəsindən 700-dən çox idmançı qatılıb. Onların arasında reytinq cədvəlinə düşən ilk 7 idmançı, 14 olimpiya çempionu, 5 dünya çempionu və digər nüfuzlu turnirlərin qalibləri və mükafatçıları var.