Cüdoçularımız başlayır

Qazanda cüdo üzrə “Böyük dəbilqə” turniri start götürüb. Allsport.az xəbər verir ki, yarışın ilk günündə Davud Məmmədsoy (60 kq) 1/16 finalda Rusiya təmsilçisi Albert Oğuzovla qarşılaşacaq.

Elçin Hüseynovun (66 kq) rəqibi isə 1/32 finalda italiyalı Karmine Maria Di Loreto (İtaliya) olacaq.

Qadınların yarışında isə startda Aişə Qurbanlı, Leyla Əliyeva (48 kq) müvafiq olaraq Katarina Mens (Almaniya) və Melani Vieun (Fransa) ilə üz-üzə gələcəklər. Gültac Məmmədəliyeva (52 kq) Lus Olveyra (Meksika) ilə qarşılaşacaq.

79 ölkədən 400-dən çox idmançının mübarizə apardığı turnirdə ölkəmiz 10 cüdoçu ilə təmsil olunur. Tokio olimpiadasına lisenziya xarakterli yarış mayın 10-dək davam edəcək.