Dağ velosipedi üzrə ölkə çempionatına yekun vurulub

Yarışın 2-ci günündə iştirakçılar Teleqüllə yaxınlığındakı parkda “Enduro” növündə qüvvələrini sınayıblar.

Allsport.az saytı xəbər verir ki, U-15 yaş kateqoriyasında Respublika olimpiya velosiped məktəbinin (ROEQİUGVM) təmsilçiləri Ayaz İsgəndərli və Toğrul Məmmədli müvafiq olaraq 1-ci və 2-ci yerləri tutublar. Kənan Eyvazov (həvəskar) fəxri kürsünün 3-cü pilləsinə qalxıb.

Gənclər, U-23, elit yaş dərəcəsində Emin Süleymanov (həvəskar) ölkə çempionu olub. Mirmövsüm Cəbrayılov (həvəskar) gümüş, Nihad İmanzadə (ROEQİUGVM) isə bürünc medal qazanıb.

Mükafatçılar medal, diplom və pul mükafatı ilə təltif ediliblər.