“Davam” gənclər hərəkatının lideri anası ilə birgə şəhid general Polad Həşimovun ailəsini ziyarət edib

Dünən 2-ci Vətən müharibəsində 2783 şəhid verdiyimiz rəsmən açıqlanıb. Allsport.az saytının məlumatına görə, bu gün saat 12:00-da qəhrəman əsgərlərimiz bir dəqiqəlik sükutla anılıb. Şuşada bitən qeyri-adi Xarıbülbül gülü törənin rəmzi olub. Mərasimlə bağlı 3-cü Fəxri xiyabana kütləvi axın olub. Şəhidlərin məzarları ziyarət edilib.

İdman ictimaiyyəti də bu işdə geri qalmayıb. Yunan-Roma güləşi üzrə olimpiya mükafatçısı, dünya çempionu və “Davam” gənclər hərəkatının idarə heyətinin idman sahəsi üzrə rəhbəri Rəsul Çunayev anası ilə birgə şəhid general Polad Həşimovun ailəsini ziyarət ediblər.