Dorinel Muntyanu: Qələbəyə daha çox biz layiq idik

«Azarkeşlərə minnətdar olmaq istəyirəm. Onlar sonadək bizi dəstəklədilər. Oyuna gəlincə, məğlubiyyətdə cavabdeh mənəm. Bəlkə də, qələbəyə daha çox biz layiq idik».

Bunu allsport.az saytına açıqlamasında «Qəbələ»nin baş məşqçisi Dorinel Muntyanu dedi. Premyer liqanın 13-cü turunda «Simurq»a 2:3 uduzan «qara-qırmızalar»ın rumıniyalı çalışdırıcı bildirdi ki, müdafiədə boşluqlar var. Gələcək matçlarda bunu aradan qaldırmağa çalışacaqlar. Sitat:

«Ruslan Abuşov ilk hissədə yaxşı oynadı. Boşluqlar növbəti yarıda nəzərə çarpdı. Bir aydan sonra qış transfer pəncərəsi açılacaq. Ehtiyac olan mövqeləri gücləndirəcəyik. İndi isə, qalan 5 turda lazımi nəticələr qazanıb, liderlərdən uzaq düşməməliyik».