Dünya çempionatı ilə bağlı konkret qərar olmadı

Dünya güləş birliyinin icraiyyə komitəsinin iclası keçirilib. Allsport.az saytı xəbər verir ki, pandemiya ilə əlaqədar, bu dəfə də tədbir onlayn olub.

UWW-nin büro üzvü, AGF-in prezident əvəzi Namiq Əliyevin də iştirak etdiyi konfransın əsas mövzusu dekabrda Serbiyada keçirilməsi planlaşdırılan dünya çempionatı olub.

Ancaq geniş müzakirələrdən sonra konkret qərar qəbul etmək mümkün olmayıb. Qərara gəlinib ki, noyabrın 10-da baş tutacaq növbəti iclasda yarışın taleyinə aydınlıq gətirilsin.