Dünyanın ən yaxşı topa nəzarət edən komandaları

Beynəlxalq idman araşdırmaları mərkəzi (CİES) dünyanın 58 güclü liqasında çıxış edən 915 klubun topa sahib olma və ötürmə keyfiyyətini analiz edərək yeni reytinq siyahısı hazırlayıb.

Allsport.az xəbər verir ki, mütəxəssislər bu indeksi hesablayarkən ötürmələrin uzunluğu, sürəti, nəzarət müddəti və rəqib sahəsində qəbul edilən yerüstü ötürmələrin nisbəti kimi faktorları əsas götürüblər.

Siyahıya 100 tam indekslə Münhenin “Bavariya” klubu başçılıq edir. İlk onluqda aşağıdakı komandalar yer alıb:

1. “Bavariya” (Almaniya) – 100
2. PSJ (Fransa) – 98,9
3. “Barselona” (İspaniya) – 98,6
4. “Bayer Leverkuzen” (Almaniya) – 95,3
5. “Kolambus Krü” (ABŞ) – 94,9
6. “Mançester Siti” (İngiltərə) – 92
7. “Nordşelland” (Danimarka) – 90,9
8. “Sent-Etyen” (Fransa) – 88,8
9. “Seltik” (Şotlandiya) – 88,7
10. “Marsel” (Fransa) – 86,7.