Dyökereş üçün 4 məşhur klub

“Sportinq”in hücumçusu Viktor Dyökereş karyerasını İngiltərə premyer liqasında davam etdirə bilər.

Allsport.az xəbər verir ki, 26 yaşlı futbolçu “Mançester Siti”, “Arsenal”, “Liverpul” və “Çelsi”nin transfer siyahısında yer alıb. Portuqaliya klubu Dyökereşi 100 milyon avrodan ucuz qiymətə satmayacağını bildirib.

Dyökereş cari mövsüm ərzində 13 oyunda iştirak edib, 14 qol vurub və 4 məhsuldar ötürmə verib.