Elman Rüstəmov: “Ümid edirik ki, şahmatçılarımız uğurlu nəticələr göstərəcəklər”

“Fairmont” mehmanxanasında şahmat üzrə Dünya Kubokuna həsr olunan mətbuat konfransı keçirilib. Allsport.az saytı xəbər verir ki, tədbirdə iştirak edən AŞF prezidenti Elman Rüstəmov həm ölkəmizin, həm də qrossmeysterlərimizin bu mötəbər idman turnirinə çox ciddi hazırlaşdığını deyib:

“Azərbaycan millisi ikiqat Avropa çempionudur. Turnir dostluq, tolerantlıq, əsl idman mübarizəsi şəraitində keçiriləcək. İdmançılarımız yarışa çox yaxşı hazırlaşıblar. Ümid edirik ki, onlar uğurlu nəticələr göstərəcəklər. Bu, həm də 2016-cı il Şahmat Olimpiadasından əvvəl əsas sınaqdır. Azərbaycanda dünya kuboku yarışının yüksək səviyyədə təşkili üçün hər cür şərait yaradılıb”.