Fabiano Karuana: “Səhvim ucbatından qələbə qazana bilmədim”

Vüqar Həşimovun xatirəsinə həsr olunan ShamkirChess-2015 superturnirində 5-ci turun görüşləri davam edir. Allsport.az saytı xəbər verir ki, Synergy Group-un təşkilatçılığıyla keçirilən yarışın 5-ci turunda Fabiano Karuana holland həmkarı Aniş Giriy ilə heç-heçə oynayıb.

Partiyadan sonra İtaliya şahmatçısı nəticədən razı qalmadığını bildirib: “Düzünü desəm qalib gəlməyi düşünürdüm. Əla vəziyyət var idi, sadəcə dəyərləndirmədim. Ona görə çox pis oldum. Bu gün qələbəyə çox yaxın olsamda, yarım xalla kifayətləndim. Səhvim ucbatından qələbə qazana bilmədim”.