Federasiya futbolçumuzun klubunu cəzalandırdı

Azərbaycanlı futbolçu Ayaz Mehdiyevin də formasını geyindiyi Türkiyənin “Girəsunspor” klubu cəzalandırılıb. Allsport.az xəbər verir ki, buna komandanın azarkeşləri səbəb olub.

Belə ki, digər həmyerlimiz Mahir Şükürovun top qovduğu “Karşıyaka” ilə oyunda yerli fanatlar təhqiramiz şüarlar səsləndirib. Bu səbəbdən də Türkiyə Futbol Federasiyasının İntizam Komitəsi girəsunlulara 20 min türk lirəsi məbləğində cərimə kəsib.

Qeyd edək ki, bu hadisə PTT 1-ci Liqa təmsilçisinin ev oyunlarında ikinci dəfədir ki, baş verir.