FİDE həmyerlimizi mükafatlandırdı

Budapeştdə 45-ci ümumdünya şahmat olimpiadası günlərində FİDE-nin qala gecəsi keçirilib. Allsport.az saytı xəbər verir ki, tədbirdə qurumun prezidenti Arkadi Dvorkoviç və FİDE-nin azərbaycanlı vitse-prezidenti Mahir Məmmədov çıxış edib.

Həmyerlimiz, çıxışında ali şahmat qurumunun yaradıcılarını xatırladıb: “FİDE-nin tarixində ilk 100 illik möhtəşəm anlar, dahi şəxsiyyətlər və unudulmaz matçlarla yadda qaldı. Buna görə biz FİDE-nin yaradıcılarına minnətdar olmalıyıq”.

Sonra dünya şahmat tarixində böyük xidmətləri olan şahmatçı, məşqçi və digər nominasiyalar üzrə mükafatları təqdim edib. Gecədə Azərbaycan şahmat federasiyasının vitse-prezidenti, uzun illər mötəbər şahmat yarışlarında hakim kimi çalışan Faiq Həsənov xüsusi mükafata layiq görülüb.