Gənc voleybolçuların düşərgəsinə start verilib

Azərbaycan voleybol federasiyasının (AVF) təşkilatçılığı ilə “Gənc istedadların müəyyənləşdirilməsi və inkişafı düşərgəsi”nə start verilib.

Allsport.az saytı xəbər verir ki, düşərgə yeniyetmə və gənclər millisində Şahin Çatmanın rəhbərliyi ilə Dərnəgüldə voleybol mərkəzində təşkil olunur. Ona düşərgə zamanı AVF-nin məşqçiləri köməklik göstərəcək.

Avqustun 18-nədək davam edəcək düşərgədə Bakı, Sumqayıt və Xırdalandan seçilmiş 55-ə yaxın 2007, 2008, 2009 və 2010-cu il təvəllüdlü 15 yaşadək voleybolçu qızlar iştirak edirlər.