Gender testindən keçə bilməyən qadın boksçular Paris-2024-də döyüşə biləcəklər

Cinsiyyət testindən keçə bilməyən əlcəzairli İman Xəlif və tayvanlı Lin Yutinqə Paris-2024-də qadın boks yarışında iştiraka icazə verilib.

2023-cü ildə Hindistanda keçirilən dünya çempionatında hər 2 qız cinsiyyət təyini testindən keçə bilməyib (genetik testlərin nəticələrinə əsasən onlarda XY xromosomlarının olduğu sübut edilib) və diskvalifikasiya edilib.

Nəticədə, Lin 57 kq-da bürünc medaldan məhrum edilib.

“Bu işdə onların qadın olduğu müəyyənləşib. Olimpiya oyunlarının bütün iştirakçıları seçim qaydalarına əməl edir və onlara hörmət edirlər”, – BOK-un kommunikasiyalar üzrə direktoru Mark Adams deyib.

28 yaşlı Lin 2-qat dünya çempionu (2018, 2022), 25 yaşlı İman 2022-ci il dünya çempionatının gümüş mükafatçısıdır.