Göygöldə “Zəfər” kuboku

Göygöldə cüdo üzrə “Zəfər” kuboku keçirilib. Allsport.az saytı xəbər verir ki, olimpiya idman kompleksində 15 yaşadək yeniyetmələr güclərini sınayıblar.

Yarışda ölkənin müxtəlif bölgələrindən 14 komandanı təmsil edən 200-dən çox oğlan və qız cüdoçu mübarizə aparıb. Beynəlxalq cüdo federasiyasının standartları səviyyəsində keçirilən tədbirin mükafatçıları kubok, medal və diplomlarla təltif ediliblər.