Gülnar Məmmədova 11 ildən sonra yenidən ölkə çempionu olub

Naxçıvanda qadın şahmatçıların Azərbaycan çempionatı başa çatıb. Allsport.az saytı xəbər verir ki, qalib adını hələ ötən tur təmin etmiş Gülnar Məmmədova qazanıb.

O, 9 xal yığıb. Ümumilikdə, 3-cü dəfə ölkə çempionu olan qrossmeyster həm də dünya kubokunda oynamaq hüququ qazanıb.

2-ci yerin sahibi 7,5 xalla gənc Gövhər Beydullayeva olub. 3-cü sıranı isə onunla eyni xala malik, yalnız əlavə göstəricilərə görə geri düşən yığmamızın təcrübəli üzvü Zeynəb Məmmədyarova tutub.