Günay Məmmədzadə erməni rəqibinə qalib gəldi, Avropa çempionatında 2-ci yerə yüksəldi

Çex Respublikasının paytaxtı Praqada qadın şahmatçıların şəxsi Avropa çempionatı sona yaxınlaşır. Allsport.az saytı xəbər verir ki, Günay Məmmədzadə (2466) 8-ci turda ermənistanlı Maria Gevorqyanı (2216) təslim edib və xalını 7-yə yüksəldib.

6 xalıa öncüllər sırasında yer alan digər təmsilçilərdən Ülviyyə Fətəliyeva (2413) ilə Gülnar Məmmədova (2380) və onlardan yarım xal geri qalan Gövhər Beydullayeva (2339) ilə Xanım Balacayeva heç-heçə ediblər.