Həkimlər üçün təlim

Dekabrın 17-də və 18-də AFFA-nın təşkilatçılığı ilə Azərbaycan milli komandalarının və Premyer Liqa klublarının həkimləri üçün ilkin tibbi yardımın göstərilməsi mövzusunda təlim keçirilib.

Allsport.az saytı xəbər verir ki, proses zamanı klubların tibbi personalına AFFA tərəfindən ilkin tibbi yardım üçün zəruri olan avadanlıqlar – defibrilyator, oksigen balonu, FIFA və UEFA-nın tələbləri əsasında komplektləşdirilmiş ilkin tibbi yardım çantaları təqdim olunub. 

AFFA-nın baş həkimi Vyaçeslav Xomenko və həkimlərin təlimi üzrə ACLS lisenziyasına malik təlimatçı Nabil Seyidovun rəhbərliyi ilə keçirilən təlimin sonunda imtahan təşkil olunacaq, imtahanı müvəffəqiyyətlə verən iştirakçılara diplom təqdim olunacaq.