İddiaçılar turnirinin qalibi müəyyənləşdi

Yekaterinburqda dünya şahmat tacına namizədlərin mübarizə apardıqları iddiaçılar turnirinin qalibi vaxtından əvvəl müəyyənləşib. Allsport.az xəbər verir ki, 13-cü turda ağ fiqurlarla Maksim Vaşe-Laqravla (Fransa) heç-heçə edən Rusiya təmsilçisi Yan Nepomnyaşi xalların sayını 8,5-ə çatdırmaqla turnirin qalibi olub.

Beləliklə, Yan Nepomnyaşi bu il noyabrın 24-dən dekabrın 16-dək Dubayda keçiriləcək şahmat tacı uğrunda yarışda dünya çempionu Maqnus Karlsenlə mübarizə aparacaq.