İki oyun canlı yayımlanacaq

Azərbaycan Premyer Liqasında bu gün keçiriləcək iki oyunu azarkeşlər televiziya vasitəsilə izləyə biləcəklər. Allsport.az xəbər verir ki, 23-cü turun “Neftçi” – “Qarabağ” və “Qəbələ” – “Xəzər Lənkəran” oyunları canlı yayımlanacaq.

Hər iki görüş “İdman Azərbaycan” telekanalı vasitəsi ilə birbaşa nümayiş olunacaq. Bu matçlar telekanalın proqramına daxil edilib.

Qeyd edək ki, “Qəbələ” – “Xəzər Lənkəran” oyunu saat 17:00-da, “Neftçi” – “Qarabağ” qarşılaşması isə 19:00-da başlayacaq.