İlk gündə medal olmayıb

İsrailin paytaxtı Təl-Əvivdə cüdoçuların Avropa çempionatına start verilib. Allsport.az saytı xəbər verir ki, yarışın ilk günü bizdən ən yaxşı nəticəni 66 kq-da Orxan Səfərov göstərib.

O, 3-cü yer uğrunda görüşdə belaruslu həmkarına uduzaraq 5-ci olub. Bu çəkidə yarışan digər təmsilçimiz Nicat Şıxəlizadə 7-ci yer tutub.

Vüqar Şirinli (60 kq), qadında Leyla Əliyeva, Bazarraqça Ərdənəbat (48 kq), Gültac Məmmədəliyeva, Buyanxışıq Purevsuren (52 kq), Ülviyyə Rəhimli və İçinxorlo Munxtsedev (57 kq) ilkin mərhələdə yeniliblər.