««İnter»ə böyük hesabı məğlubiyyətin əvəzini çıxacağıq»

««İnter»lə oyuna ciddi hazırlaşırıq. Bu matçın bizə xüsusi önəmi var». Bu açıqlamanı allsport.az saytına «Bakı» klubunun futbolçusu Nurlan Novruzov verib.

Sabah ölkə çempionatının 14-cü turunda evdə «bankçılar»ı qəbul edəcək autsayder, matçdan 3 xalla ayrılmağı düşünür. Gənc hücumçu deyib ki, komandası birinci dövrədə biabırçı məğlubiyyətin əvəzini çıxmaq istəyirlər:

«İlk oyunda rəqib bizə böyük hesabla qalib gəlib. Bunun əvəzini çıxmaq niyyətindəyik. Meydana 3 xal üçün çıxacağıq. Günü-gündən oyunumuz yaxşılaşır. İnşallah, birgə bu vəzifənin öhdəsindən gələcəyimizə inanıram».