KİV arasında şahmat yarışı

22 iyul – milli mətbuat günü münasibətilə gənclər və idman nazirliyi və Azərbaycan şahmat federasiyasının təşkilatçılığı ilə media nümayəndələri arasında şahmat turniri keçiriləcək.
Allsport.az xəbər verir ki, yarış iyulun 13-də respublika şahmat mərkəzində təşkil olunacaq.

Turnir “A” və “B” qrupundan ibarət olacaq. Qalib və mükafatçılar 7 turdan sonra müəyyənləşəcək. Hər oyuna 5 dəqiqə vaxt veriləcək, hər gedişə 5 saniyə əlavə olunacaq. Hər qrup üzrə ilk 3 yeri tutacaq iştirakçılara pul mükafatı və qiymətli hədiyyələr veriləcək. Yalnız 1-ci yerin sahibləri diplomla təltif olunacaq.

Azərbaycan şahmat federasiyası hər il ənənəvi olaraq jurnalistlər arasında yarış təşkil edir. Bu, sayca 7-ci olacaq.