K-1 üzrə dünya çempionatında 2 qızıl medal

İtaliyada keçirilən K-1 üzrə dünya çempionatına yekun vurulub. Allsport.az saytı xəbər verir ki, təmsilçimiz Ziya Bayramov (80 kq) bütün rəqiblərinə qalib gələrək dünya çempionu olub. Yarımfinalda Polşa, həlledici görüşdə İsveç idmançısına nokautla qalib gələn kikboksçumuz, fəxri kürsünün ən yüksək pilləsinə qalxıb.

Daha bir idmançımız 49 kq-da çıxış edən Ramazan Abdullayev də komanda yoldaşının uğurunu təkrarlayıb. Yarımfinalda Almaniya, finalda isə İtaliya təmsilçisindən güclü olan Ramazan Abdullayev dünya çempionatının qızıl medalını qazanıb.