Məhəmməd Muradlı “Aeroflot Open”də 3-cü olub

Moskvada ənənəvi “Aeroflot Open” şahmat turniri başa çatıb. Allsport.az saytı xəbər verir ki, “B” qrupunda mübarizə aparan Məhəmməd Muradlı 3-cü yer tutub. O, 15 yaşlı təmsilçimiz 6,5 xal toplayıb.

Vüqar Əsədli 6 xalla 9-cu olub. Bundan başqa, Aydın Süleymanlı 5,5 xal toplayaraq 21-ci pillədə qərarlaşıb. “B” qrupunda mübarizə aparan digər təmsilçilərimiz Xanım Balacayeva 4 xal, Read Səmədov və Ülviyyə Fətəliyeva hərəyə 3 xal yığıblar.

“A” qrupunda mübarizə aparan Rauf Məmmədov 5 xal, Eltac Səfərli 4 xala malik olub. Yarış İsveçrə sistemi ilə keçirilib.