Məmmədəli də bürünc medal və 500 xal qazandı

Daşkənd “Böyük dəbilqə”sində daha bir cüdoçumuz bürünc medal qazanıb.

Allsport.az xəbər verir ki, turnirin son günündə Məmmədəli Mehdiyev (90 kq) 3-cü yer uğrunda görüşdə özbəkistanlı Şərməhəmməd Candəreyevi məğlub edib.

Ötən gün Rüstəm Orucov (73 kq) da millimizin aktivinə bürünc medal yazdırıb.

“Böyük dəbilqə”də ilk yeri tutan 1000, gümüş mükafatçı 700, 3-ci sıraya çıxanlar 500, 5-ci və 7-ci mövqeyə yiyələnənlər müvafiq olaraq 360, 260 əmsal xalı qazanıblar.