Məmmədəli də qızıl medal və 700 xal qazandı

Xorvatiyanın paytaxtı Zaqrebdə qran-pridə bu gün mübarizəyə Məmmədəli Mehdiyev (90 kq) qoşulub. Allsport.az saytı xəbər verir ki, bütün rəqiblərinə qalib gələn çüdoçumuz qızıl medal qazanıb.

Dünən eyni nəticəni 73-kq-da Hidayət Heydərov göstərmişdi.

Mükafat yarışlarında ilk pilləni tutanlar hesablarına 700, 2-ci yerə 490 və 3-cü sırada qərarlaşanlar 350 xal; 5-ci və 7-ci mövqeyə çıxanlar müvafiq olaraq 252 və 182 xal yazırlar.