Məmmədyarov Aronyana qarşı

Norveçli dünya çempionu Maqnus Karlsenin təşkil etdiyi çempionlar turunun “New In Chess” adlı V mərhələsində bu gün final mərhələsinin və 3-cü yer uğrunda ilk görüşlər keçiriləcək. Allsport.az xəbər verir ki, yarımfinalın tay-brekində ABŞ təmsilçisi Hikaru Nakamuraya uduzan Şəhriyar Məmmədyarov 3-cü yer uğrunda Levon Aronyanla (Ermənistan) qarşılaşacaq.

Final və 3-cü yer uğrunda görüşlər 2 gün (hər gün 4 oyun) davam edəcək. Qarşılaşmaların ardından qalib müəyyənləşməsə, tay-brek oynanılacaq.