“Məşqçinin tapşırıqlarını mümkün qədər yerinə yetirməyə çalışırıq”

Avqustun 15-dən sentyabrın 3-dək Belçika, İtaliya, Almaniya və Estoniya birgə Avropa çempionatına ev sahibi olacaqlar. Allsport.az saytı xəbər verir ki, millimizin liberosu Bəyaz Quliyeva yarışa hazırlıqla bağlı bunu deyib:

“Bildiyiniz kimi iyundan təlim-məşq toplanışına start verdik. İki həftə Bakıda məşq keçdikdən sonra Bosniya və Herseqovinaya yollandıq. Orada bir həftə təlim-məşq toplanışında olduq və yerli yığma komanda ilə üç yoxlama görüşü keçirdik.

Yenidən Bakıda qayıtdıq və paytaxtda Belarus millisi ilə üç yoxlama matçımız oldu. Hazırda Sloveniyadayıq və burada təlim-məşq toplanışı çərçivəsində bir neçə yoxlama oyunlarımız olub. Qarşıda daha bir hazırlıq matçımız var. Bu oyunlar bizə səhvlərimizi analiz etməyə imkan verir. Məşqçinin tapşırıqlarını mümkün qədər yerinə yetirməyə çalışırıq”.