“Bizim çıxışlara 2 həftə qaldığından, hazırlığımızı Rioda da davam etdirəcəyik”

«Olimpiya oyunları fərqli bir mənzərədir. Orada tək gimnastika yox, bu ailəyə daxil olan bütün idman növlərində mübarizə gedəcək. Bədii gimnastikada bir idmançı ilə təmsil olunuruq. Çalışacağıq ki, gözəl çıxış edib, final mərhələsinə düşək».

Allsport.az saytının məlumatına görə, bunu milli komandanın baş məşqçisi Mariana Vasilyeva dedi. Bolqar mütəxəssisin fikrincə, Azərbaycan xalqı onlardan da qələbə gözləyir:

«Yaxşı məşq etmişik. Bizim çıxışlara 2 həftə var. Bundan istifadə edib, Rioda da hazırlığımızı davam etdirəcəyik . Olimpiya oyunlarında öncədən nəsə söyləmək olmur. İnşallah, sonda oradan umidli nəticə ilə dönərik».