Millimiz çexlərə böyük hesabla qalib gəlib

Çimərlik futbolu üzrə Azərbaycan millisi İtaliyanın Kataniya şəhərində təşkil olunan Avropa Liqasının final mərhələsində növbəti oyununu keçirib. Allsport.az saytı xəbər verir ki, komandamız qrupdakı sonuncu görüşdə Çex Respublikası yığmasını 5:1 hesabı ilə məğlub edib.

Orxan Məmmədovun, Elvin Quliyevin hərəyə bir, Ramil Əliyevin isə iki dəfə fərqləndiyi matçda bir avtoqol qeydə alınıb. Əvvəlki matçlarda Türkiyəyə 5:3, İngiltərəyə isə 2:0 hesabıyla qalib gəlmiş millimiz 1-ci olub. Nəticədə, futbolçularımız digər qrupda maksimum nəticə göstərən Macarıstanla qarşılaşacaq. Həlledici görüş avqustun 28-də baş tutacaq.