Türkiyədə təlim-məşq toplanışı

Çimərlik futbolu üzrə Azərbaycan millisi sentyabrın 25-dən oktyabrın 3-dək Türkiyənin Alanya şəhərində təlim-məşq toplanışı keçəcək. Allsport.az saytı xəbər verir ki, hazırlıq çərçivəsində yoldaşlıq oyunları keçiriləcək.

Toplanış oktyabrın 4-dən 15-dək İspaniyanın Kadis şəhərində dünya çempionatının seçməsinə hazırlıq xarakteri daşıyır. “A” qrupunda bizimkilər meydan sahibi, İngiltərə və Gürcüstan ilə mübarizə aparacaq. Milliyə dəvət edilən oyunçuların siyahısını diqqətinizə çatdırırıq:

Qapıçılar: Elçin Qasımov, Vaqif Şirinbəyov;

Oyunçular: Amid Nəzərov, Comərd Baxşəliyev, Elşad Manafov, Orxan Məmmədov, İsa Zeynallı, Sabir Allahquliyev, Ramil Əliyev, Kamran Qürbətov, Rüfət Məmmədli, Bayram Bayramlı.