Millimiz “Fənərbağça” ilə qarşılaşdı

Türkiyədə təlim-məşq toplanışında olan qadın voleybolçulardan ibarət millimiz ilk yoxlama matçında “Fənərbağça” ilə üz-üzə gəlib.

Allsport.az xəbər verir ki, millimiz ardıcıl 2 setdə rəqibindən üstün olub – 25:22, 25:23.

Ardınca baş məşqçi Vasif Talıbov ehtiyat qüvvəyə də şans verib. Bundan istifadə edən rəqib hesabı bərabərləşdirib – 25:17, 25:23.

Komandalar qarşılıqlı razılığa əsasən tay-breki oynamayıblar. Yığmamız Vasif Talıbovun rəhbərliyi altında ilk qarşılaşmadan 2:2 hesablı heç-heçə ilə ayrılıb.

Olimpiya təsnifat turnirinə hazırlaşan millimiz daha bir sınaq oyunu keçirəcək. Rəqib “Türk Hava Yolları” olacaq.